Amerikalı dünya şöhrətli mərhum rejissor Devid Linç şəxsi əşyaları Los-Ancelesdə keçirilən hərracda 4,25 milyon dollara satılıb.
Axşam.az xəbər verir ki, bu barədə "The Guardian" məlumat yayıb.
Ən yüksək təklif isə (195 min dollar) onun yarımçıq qalmış "Ronni Roket" filminin ssenarisi üçün olub.
Hərracda Linçin filmlərindən olan rekvizitlər, videokameralar və musiqi avadanlığı kimi şəxsi əşyalar, iki doldurulmuş maral başı, onun debüt filmi "Eraser Head"in nüsxəsi və 450 dollara satılan sevimli "La Marzocco GS/3" ev espresso maşını da daxil olmaqla 450-yə yaxın lot nümayiş etdirilib.
Ən bahalı lotlar arasında 104 min dollara satılan "Mulholland Drive" filminin ssenariləri və 91 min dollara "Twin Peaks" teleserialının pilot bölümünün ssenarisi olub. Linçin adı həkk olunmuş direktor kreslosu 70 min dollara satılıb.
Rejissor üçün xüsusi olaraq hazırlanmış beş perdəli gitara 39 min dollara, qırmızı pərdəsi və ağ-qara xalçası 32 500 dollara satılıb.
