Bir qrup Amerikanın B-2A Spirit gizli bombardmançı təyyarəsi Missuridəki Uaytmen Hərbi Hava Qüvvələri bazasından havaya qalxaraq Hind okeanındakı strateji ABŞ hərbi bazası olan Dieqo Qarsiyaya göndərilib.
"Unikal" xəbər verir ki, bu barədə "UK Defence Journal" məlumat dərc edib.
Nəşr qeyd edir ki, uçuş izləmə məlumatlarına əsasən, hər biri dörd tankerdən ibarət iki qrup Kanzas üzərində bombardmançı təyyarələrlə birləşir.
“B-2-lər əvvəllər gizli bombardmançıların missiyaları ilə əlaqəli olan “MYTEE21” çağırış işarəsindən istifadə ediblər”, - məlumatda deyilir.
KİV həmçinin qeyd edir ki, son həftələr ərzində onlarla ABŞ təyyarəsi, o cümlədən döyüş təyyarələri, həmçinin yanacaq dolduran tanklar və kəşfiyyat platformaları bölgəyə yerləşdirilib.
