Pakistan hökuməti Hindistan və Pakistan arasında son böhran zamanı qətiyyətli diplomatik müdaxiləsini və liderliyini nəzərə alaraq, prezident Donald Trampın 2026-cı il Nobel Sülh Mükafatına namizədliyini rəsmi olaraq irəli sürməyə qərar verib.
Yenisabaha.az xəbər verir ki, bu barədə hökumətin bəyanatı X səhifəsində dərc edilib.
"Bu müdaxilə onun əsl sülhməramlı roluna və münaqişələrin dialoq yolu ilə həllinə sadiqliyinə sübutdur. Pakistan hökuməti Trampın Hindistan və Pakistan arasında Cammu və Kəşmirlə bağlı uzun müddətdir davam edən mübahisəni, regional qeyri-sabitliyin kökündə duran məsələni həll etməyə kömək etmək üçün səmimi təkliflərini dəstəkləyir".
Bəyanatda daha sonra qeyd edilir: "Pakistan ümidvar olaraq qalır ki, onun səmimi səyləri, xüsusən də Yaxın Şərqdə davam edən böhranlar, o cümlədən Qəzzada baş verən humanitar faciə və İranla bağlı münaqişənin getdikcə genişlənməsi kontekstində regional və qlobal sabitliyə töhfə verməyə davam edəcək”.
Telegram kanalımız
