Xerş: “ABŞ İrana nüvə zərbəsi endirə bilər” | VİDEO

AzVision.az xəbər verir ki, mənbələrə istinad edən amerikalı jurnalist-tədqiqatçı Seymur Xerş “Substack” platformasında belə deyib.

“Ağ Ev Fordoda yerin 80 metr dərinliyində yerləşən sentrifuqaları hədəf alan genişmiqyaslı bombalama kampaniyasını təsdiqləyib. Onlar dərində yerləşdiyinə görə, ABŞ bunker busterləri (oyucuları) olan bombardmançılardan istifadə edəcək”,- jurnalsit vurğulayıb.

WSJ: “İrana zərbənin bir addımlığında”| VİDEO

“Axios” nəşri də mənbələrə istinadən ABŞ-nin İranın Fordodakı nüvə obyektini dünyanın ən güclü qeyri-nüvə bombası ilə vura biləcəyini yazıb.

Bundan əvvəl ABŞ-nin yüksək rütbəli rəsmilərinin yaxın günlərdə İrana mümkün zərbənin endirilməsi üçün hazırlıqlara başladıqları bəlli olmuşdu. Məlumatda qarşıdan gələn həftəsonu zərbə planlarının müzakirə edildiyi bildirilirdi.

Bir sıra federal qurumların rəhbərlərinın belə bir ssenariyə hazırlaşmağa başladıqları iddia olunur. Bununla belə, Ağ Ev administrasiyası belə hazırlığın aparıldığı barədə rəsmi açıqlama verməyib.


Sahil İsgəndərov
AzVision.az