“Truth Social” şəbəkəsində San-Fransiskodakı 9-cu Dairə Apellyasiya Məhkəməsinin qərarını şərh edən Donald Tramp bu qərarı “böyük qələbə” adlandırıb və Milli Qvardiyanın cəlb olunmasını “prezidentin əsas səlahiyyəti” kimi qiymətləndirib.
Xatırladaq ki, Los-Ancelesdə Tramp administrasiyasının immiqrasiya reydləri ilə bağlı etirazlar və iğtişaşlar fonunda ABŞ prezidenti iyunun 7-də Kaliforniya Milli Qvardiyasına nəzarəti öz əlinə keçirərək, ştatın qubernatoru Qevin Nyusomun iradəsinin əleyhinə 4000 əsgər göndərdi. Tramp, həmçinin Loc-Ancelesə 700 dəniz piyadasının daxil olması əmrini verib.
 |
| Tramp niyə Los-Ancelesə Milli Qvardiyanı göndərib?| VİDEO |
İddiada Trampın Milli Qvardiya və Dəniz piyadalarını yerləşdirməsinin ştatın suverenliyini və hüquq-mühafizə orqanlarına hərbi müdaxiləyə qadağa qoyan federal qanunları pozduğu bildirilirdi.
“Etirazlar, yerli hüquq-mühafizə orqanlarının hərbçilər olmadan da öhdəsindən gələ biləcəyi sporadik zorakılıqla yadda qalıb”,- iddiada deyilir.
Öz qərarını doğru adlandıran Tramp jurnalistlərə bildirib ki, qoşunlar yerləşdirilməsəydi, şəhər “yanıb kül olardı”. ABŞ prezidenti Kaliforniya və Los-Anceles rəhbərliyini etirazlar zamanı zorakılıqla mübarizə üçün kifayət qədər səy göstərməməkdə günahlandırıb və qubernatorun həbs oluna biləcəyini istisna etməyib.
Sahil İsgəndərov
AzVision.az
