Alimlər kvant kompüterləri üçün qaranlıq maddənin axtarışına kömək edəcək çip yaradıblar.
Valyuta.az "Interesting Engineering"ə istinadən xəbər verir ki, Massachusetts Texnologiya İnstitutunun Plazma Elmi və Termonüvə Birləşməsi Mərkəzindən tədqiqatçılar öz kəşflərini ətraflı təsvir ediblər.
Alimlər proqnozlaşdırırlar ki, yaxın illərdə süni intellekt texnologiyalarının inkişafı məlumat mərkəzlərinin enerji istehlakında çoxqat artıma səbəb olacaq. Müasir hesablama sistemlərinin böyük məlumat həcmlərini emal edən, lakin enerji səmərəliliyi aşağı olan silikon əsasında işlədiyini izah ediblər. Bu isə böyük enerji itkilərinə gətirib çıxarır.
Nəşrdə qeyd olunub ki, superkeçirici elektronika vasitəsilə yüksək məhsuldar hesablama həlləri təmin etmək mümkündür. Lakin bu sistemlər qarışıq ultraaşağı temperatur və ətraf mühit şəraitində işləyir və bu iki komponenti birləşdirmək üçün çoxlu naqillərdən istifadə edir.
Məhz buna görə alimlər uzun müddət superkeçirici elektronikanın optimallaşdırılması üzərində işləyiblər. Kvant kompüterləri üçün enerji təchizatı mənbəyi həlledici əhəmiyyət kəsb edir, çünki onun tədarükü artıq istilik və ya elektromaqnit səs-küyü səbəbindən maneələr yarada bilər.
Hesablama komponentlərinin səmərəli işləməsi üçün gələn dəyişən cərəyanın sabit cərəyana çevrilməsi sxemlərlə təmin edilməlidir. Belə bir çevrilmə sıfır dərəcəyə yaxın temperaturda həyata keçirilməlidir.
Alimlər artıq dörd superkeçirici diodu uğurla inteqrasiya edərək kriogen temperaturlarda dəyişən cərəyanı sabit cərəyana çevirməyə nail olublar. Bu, istilik və elektromaqnit səs-küyünün azaldılması hesabına kvant sistemlərinin daha təmiz işləməsini təmin edib
Paşa Məmmədli
