Fransanın "Le Havre" klubu rusiyalı yarımmüdafiəçi Daler Kuzyaevlə yollarını ayırıb.
90deqiqe.Az xəbər verir ki, bu barədə klubun mətbuat xidməti məlumat yayıb.
32 yaşlı futbolçunun müqaviləsi 2025-ci il iyunun 30-da başa çatacaq və tərəflər yeni sözləşmə imzalamamağa qərar veriblər.
Qeyd edək ki, Kuzyaev 2023-cü ilin yayında "Le Havre"yə transfer olunmuşdu. Bu müddət ərzində o, bütün turnirlərdə 46 oyun keçirib, 4 qol vurub və iki məhsuldar ötürmə edib. Transfermarkt portalında verilən məlumata görə, futbolçunun bazar dəyəri 3,5 milyon avrodur.
