Türkiyənin "Kocaelispor" klubu hücum xəttini tanınmış oyunçu ilə gücləndirib.
QOL.az xəbər verir ki, yeni mövsümdən Superliqada çıxış edəcək klub Zaqreb "Dinamo"sundan ayrılan Bruno Petkoviçi heyətinə qatıb. Bu barədə klubun mətbuat xidməti məlumat yayıb.
30 yaşlı hücumçu ilə bağlanacaq müqavilənin detalları ilə bağlı hələlik məlumat verilməyib.
Qeyd edək ki, Xorvatiya millisinin üzvü ötən mövsüm "Dinamo"nun heyətində 26 matçda 6 qol vurub və 4 məhsuldar ötürmə edib.
