2026-cı ildə keçiriləcək dünya çempionatının seçmə mərhələsinin Fransa – Azərbaycan oyununun baş tutacağı stadion məlum olub.
Futbolpress.az xəbər verir ki, oktyabrın 10-da keçiriləcək görüş “Park de Prens”də olacaq. Bu barədə UEFA-nın mətbuat xidməti məlumat yayıb. Stadionun tutumu 48 min nəfərlikdir.
Azərbaycan yığması mundialın seçmə mərhələsində Fransa ilə yanaşı, İslandiya və Ukrayna ilə mübarizə aparacaq. İlk matç sentyabrın 5-də səfərdə İslandiyaya qarşı olacaq.
