Oxumeni.az portalından verilən məlumata görə, ain.az xəbər yayır.
G7 gözlənilmədən Yaxın Şərqlə bağlı bəyanatla razılaşdı
ABŞ prezidenti Donald Tramp və “Yeddilik Qrupu”nun (G7) digər liderləri gözlənilmədən Yaxın Şərqdəki mövcud vəziyyətlə bağlı birgə bəyanatla razılaşıblar. Sammitin təşkilatçısı Kanadanın bazar ertəsi, iyunun 16-da axşam saatlarında dərc etdiyi sənədin mətnində İran “regional qeyri-sabitliyin və terrorun əsas mənbəyi” adlandırılır və İsrailin özünümüdafiə hüququ vurğulanır. Oxuməni.az xəbər verir ki, bu barədə “Deutsche Welle” məlumat yayıb.
G7-nin dövlət və hökumət başçıları da İranın heç bir halda nüvə silahı əldə etməsinə icazə verilməməsi ilə bağlı çoxdan məlum mövqelərini təsdiqləyiblər.
Birgə kommünike Ağ Evin Trampın Yaxın Şərqdəki böhranla əlaqədar Vaşinqtona erkən dönəcəyini və sammitin ikinci günündə iştirakdan imtina edəcəyini bildirməsindən bir neçə saat sonra razılaşdırılıb.
Bu arada Donald Trampın özü “Truth Social” platformasında yazıb ki, o, Vaşinqtona Fransa prezidenti Emmanuel Makronun iddia etdiyi kimi “İsrail və İran arasında atəşkəs”ə görə deyil və onu yalan məlumat yaymaqda ittiham edib. "Doğru deyil! Onun indi niyə Vaşinqtona getdiyim barədə heç bir fikri yoxdur, lakin bunun atəşkəslə heç bir əlaqəsi yoxdur", - Tramp əmin edib. Onun sözlərinə görə, söhbət “daha vacib” bir şeydən gedir. “Qəsdən olsun və ya olmasın, Emmanuel həmişə səhv edir”, – Amerika prezidenti əlavə edib.
Almaz Həsənli
Ən son xəbərləri və yenilikləri almaq üçün ain.az saytını izləyin.
