Yaxın Şərqdəki gərginlik fonunda investorların panik satışları nəticəsində Bitcoin qiyməti cəmi bir neçə gün öncə 104 min dollara qədər geriləmişdi. Əsas səbəb kimi İran-İsrail münaqişəsinin alovlanması göstərilirdi. Lakin görünən odur ki, bazar bu gərginliyə uyğunlaşaraq yenidən artım trayektoriyasına keçib.
Yenisabah.az xəbər verir ki, hazırda Bitcoin-in qiyməti $107,128.74 səviyyəsindədir və son 24 saatda 0.57% artım nümayiş etdirib. Bu da göstərir ki, qlobal qeyri-müəyyənliklərə baxmayaraq, investorlar Bitcoin-i "rəqəmsal sığınacaq" kimi görməyə davam edirlər.
İlin əvvəlindən bəri Bitcoin artıq 13.46% bahalaşıb, bazar dəyəri isə $2.13 trilyon dollara çatıb. Ticarət dövriyyəsində də ciddi artım var – son 24 saatda $54 milyardlıq Bitcoin hərəkət edib.
Analitiklər qeyd edirlər ki, əgər siyasi risklər dərinləşsə belə, Bitcoin-in məhdud təklifə malik olması (maksimum 21 milyon BTC) ona qarşı tələbi artırmağa davam edəcək.
Telegram kanalımız
