Pakistan və Əfqanıstanın şərqindəki Kunar əyaləti arasındakı demarkasiya xəttində Əfqanıstan və Pakistan sərhədçiləri arasında baş verən atışmada iki nəfər həlak olub.
Publika.az xəbər verir ki, bu barədə “Khaama” portalı məlumat yayıb.
Kunardakı yerli mənbələr, Şir Alam və Musi adlı iki əfqan hərbçinin bazar günü Durand xəttinin yaxınlığında yerləşən Şiqal rayonunun Takht-e Khor bölgəsində baş verən silahlı toqquşmada öldürüldüyünü bildirib.
Toqquşma Pakistan qüvvələrinin ərazidə yeni nəzarət-buraxılış məntəqəsi yaratmaq cəhdi zamanı baş verib.
Mərkəzi və yerli hakimiyyət orqanları hələlik hadisə ilə bağlı şərh verməyib.
Durand xətti, İngiltərənin Britaniya Hindistanının ərazisini genişləndirməyə cəhd etdiyi İngilis-Əfqan müharibəsi ilə yaradılan Əfqanıstan və Pakistan arasında 2640 kilometrlik (1630 mil) təklif olunan sərhəddir. Əfqanıstan bu xətti iki ölkə arasında sərhəd kimi tanımır.
