"Mən xoşbəxt deyiləmsə, heç kim sevinməsin"

  "Mən xoşbəxt deyiləmsə, özümü yaxşı hiss etmirəmsə, heç kim sevinməsin, xoşbəxt olmasın. Hamı özünü bərbad hiss etsin deyə, sağa-sola zəhər püskürtən pis enerjilərin yanından uzaqlaşın".

Referans xəbər verir ki, bu sözləri müğənni İradə İbrahimova sosial şəbəkə hesabında yazıb.

Sənətçi ətrafında olan mənfi auralı insanlardan bəhs edib:

"Kim olursa olsun, təcili yönünüzü dəyişdirin. Bu həyatı cəhənnəmə çevirən, sonra da cənnətə getmek üçün əl qatan pis ruhlulardır onlar. Bəzən oxuduğum mesajlara çox yoruluram, üzülürəm, susuram… "Qara siyahı"ya atmağa enerjim belə olmur. Yaxşı olun! Hər şey könlünüzcə olsun. Heç kimin qəlbinə toxunmaq istəmirəm. Ah almaqdan, günaha girməkdən, qəlb qırmaqdan çox qorxuram.

Hz.Ali nə gözəl deyib: “İnsanlara faydası olmayanları ölülərdən sayın getsin. Üstünə nur yağsın. Böyüklərin sözlərindən çıxmamaq yoldur. Yolumuzdayıq! Ayrılmayaq! Duam insan olan, bu dünyaya yaxşılıq, gözəllik gətirmək üçün əlindən gələni edən hər insanın yolu açıq olsun, ürəyinin çörəyini yesin. Mərhəməti qədər qucaqlasın bu dünya onu. Qorunsun, kollansın".(Axşam.az)