İsrail Hərbi Hava Qüvvələri İran ərazisinə zərbələr endirib.
“Ölkə.Az” xəbər verir ki, bu barədə Axios portalı mənbələrə istinadən məlumat yayıb.
“Fars” agentliyi isə bildirib ki, İran paytaxtının qərbində və şimal-şərqində partlayış səsləri eşidilib.
Tehranın imam Xomeyni adına hava limanı fəaliyyətini dayandırıb
Türkiyənin “Hüriyyət” qəzeti isə bildirib ki, İranın iki nüvə obyektində - Natanz və Fordoda partlayışlar baş verib.
İsrail ordusu bildirib ki, hədəf İranın müxtəlif bölgələrindəki nüvə obyektləridir.
İran mediası yazır ki, İsrailin İranın müxtəlif ərazilərinə endirdiyi hava zərbələri nəticəsində İran Silahlı Qüvvələrinin Baş Qərargah rəisi general-leytenant Məhəmməd Baqiri və İslam İnqilabı Keşikçiləri Korpusunun (SEPAH) komandanı general-mayor Hüseyn Salami ölüb.
İsrailin İrana hava hücumundan sonra “qara qızıl”ın qiyməti kəskin artıb.
