BAKI, 12 iyun. TELEQRAF
“Ukrayna Avropa İttifaqına (Aİ) üzv ola bilməyəcək, çünki bu, ittifaqa son qoyardı, Ukrayna NATO-ya üzv ola bilməyəcək, çünki bu, alyansla Rusiya arasında müharibəyə səbəb olardı”.
Teleqraf xəbər verir ki, bu sözləri Macarıstan Baş naziri Viktor Orban deyib.
O qeyd edib ki, Ukraynanın tələsik Aİ-yə daxil olması “yeni kreditlər” demək olardı:
“Ukraynanın artıq pulu yoxdur, ona görə də Avropa ölkələri Ukraynanın pensiyalarını, Ukraynanın dövlət sektoru işçilərinin maaşlarını və Ukrayna ordusunu maliyyələşdirəcək”.
Orban Ukraynanın NATO-ya üzv olmaq istəyindən də danışıb:
“Ukrayna NATO-nun üzvü ola bilməz, çünki bu, NATO ilə Rusiya arasında daimi müharibə təhlükəsi deməkdir”.
