İngilis klubu Avroliqaya buraxılsın, buraxılmasın?.. UEFA çətin durumda

Qol.az portalından verilən məlumata əsasən, ain.az bildirir.

2025/26 mövsümü UEFA-nın Avropa Liqası yarışı ilə əlaqədar çətin durum yaranıb. Məsələ İngiltərənin "Kristal Pelas" klubunun Avropa Liqasında iştirakı ilə bağlıdır.

QOL.az "Daily Mail" nəşrinə istinadən məlumat verir ki, "Kristal Pelas" İngiltərə Kubokunu qazandıqdan sonra Avropa Liqasına vəsiqə qazansa da, onun həmin yarışa buraxılması sual altındadır. 

UEFA qaydalarına görə, bir investor eyni zamanda avrokuboklarda birdən çox klubun sahibi ola bilməz. "Kristal Pelas"ın sahibi isə həm də avrokuboklara vəsiqə qazanan Fransanın "Lion" klubunun da səhmlərinə sahibdir. 

UEFA rəhbərliyi məsələ ilə bağlı yekun qərarı 30 iyuna qədər verəcək.

Mənbənin bildirdiyinə görə, bu qərarın ardınca isə həm klubun özü, həm də qərardan təsirlənən digər tərəflər onu İdman Arbitraj Məhkəməsində (CAS) mübahisələndirə bilər.

if (!$ISMOBILE) : ?>

include(__DIR__.'/320x100.php');?>

Belə ki, Avropa Liqasından kənarlaşdırılma qərarını "Kristal Pelas"ın əsas səhmdarı olan Con Tekstorun da şikayət etməsi ehtimalı çoxdur. Yox, əgər London klubu turnirdə iştirak hüququ qazansa, bu qərardan "Nottingem Forest" və "Brayton" klubları şikayət verə bilər. Çünki "Kristal Pelas" turnirdən kənarlaşdırılarsa, bu klublardan "Nottingem Forest" Avropa Liqasının təsnifat deyil, birbaşa Liqa mərhələsində, "Brayton" isə Konfrans Liqasında iştirak edə bilər.

Hadisənin gedişatını izləmək üçün ain.az saytında ən son yeniliklərə baxın.