Futbol üzrə Azərbaycan millisinin müdafiəçisi Bəhlul Mustafazadə Macarıstan yığmasına qarşı keçirəcəkləri yoldaşlıq görüşündən öncə təşkil edilən mətbuat konfransında fikirlərini bölüşüb.
Fanat.Az xəbər verir ki, "Qarabağ"ın futbolçusu belə danışıb:
"Rəqib güclü komandadır. Onlara qarşı layiqli mübarizə aparmağa çalışacağıq. Bakıda oynadığımıza görə şansların 50-nin 50-yə olduğunu düşünürəm. Əlimizdən gələni edəcəyik ki, baş məşqçi Fernandu Santuşun tapşırıqlarını yerinə yetirək".
Qeyd edək ki, Azərbaycan - Macarıstan qarşılaşması sabah "Liv Bona Dea Arena"da reallaşacaq. Matçın start fiti saat 20:00-da səsləndiriləcək.
