ABŞ prezidenti Donald Tramp Ukraynada hərbi əməliyyatların davam etməsini istəmir.
Operativ Media xəbər verir ki, bunu Ağ Evin mətbuat katibi Karolin Leavitt brifinqdə Kiyev rejiminin Rusiya aerodromlarına təşkil etdiyi hücumlarla bağlı ABŞ administrasiyasının mövqeyinə dair suala belə cavab verərkən deyib.
"Mən prezidentin bu məsələ ilə bağlı şəxsən danışmasını üstün tutaram. Onu da əlavə edim ki, prezident bu münaqişənin davam etməsini istəmir. O, döyüşlərin dayanmasını, insanların həyatını itirməsinin qarşısının alınmasını və bu münaqişənin danışıqlar masası arxasında həll olunmasını istəyir", – Leavitt bildirib.
