AFFA-nın Beynəlxalq Əlaqələr Şöbəsinin müdiri, AFFA İcraiyyə Komitəsinin üzvü Könül Mehtiyeva beynəlxalq oyuna təyinat alıb.
Bakıvaxtı.az milli assosiasiyanın rəsmi saytına istinadən xəbər verir ki, o, Belçikada yerli "Antverpen" və İspaniyanın "Barselona" komandaları arasında gerçəkləşəcək Çempionlar Liqasının qrup mərhələsinin sonuncu - 6-cı turunun oyununda UEFA nümayəndəsi olacaq.
Qeyd edək ki, qarşılaşma dekabrın 13-də Belçikanın Deurne şəhərində keçiriləcək.
