İyunun 6-da itkin düşən polşalı biznesmen Yeji Krjanovskinin meyiti tapılıb.
Publika.az xəbər verir ki, bu barədə Polşa Mətbuat Agentliyi (PAP) məlumat yayıb.
Məlumata görə, iyunun 6-dan 7-nə keçən gecə hüquq mühafizə orqanının əməkdaşları kişi meyiti aşkar ediblər. Polis mərhumun şəxsiyyətini təsdiqləyib.
Yeji Krjanovski qardaşı Adam ilə birlikdə, Avropada ofis mebellərinin ən böyük istehsalçılarından olan "Nowy Styl" şirkətinin həmtəsisçilərindən biri olub.
