“İsrailin təhlükəsizliyi ABŞ-nin və bütün dünyanın təhlükəsizliyidir”.
“Qafqazinfo” xarici mətbuata istinadən xəbər verir ki, bunu ABŞ Prezidenti Co Bayden Ağ Evdə Fələstin-İsrail münaqişəsi ilə bağlı çıxışı zamanı deyib.
Onun sözlərinə görə, burada söhbət partiyalardan və ya siyasətdən getmir:
“Bu, bizim dünyamızın təhlükəsizliyi, ABŞ-nin təhlükəsizliyi ilə bağlıdır... Mən hər hansı bir dövlətə müraciət edirəm - İsrailə hücum etməyi düşünməyin. İsrail bütün vəhşiliklərə cavab verəcək. Biz İsrailin istənilən müdafiə ehtiyacını təmin edəcəyimizə zəmanət veririk”.
ABŞ Prezidenti bildirib ki, ABŞ İsrailə əlavə hərbi yardım - "Dəmir Qübbə" hava hücumundan müdafiə sistemləri üçün sursat və raketlər də ayıracaq.
