Kaliforniyanın Beykersfild şəhər mərkəzindəki "Chase" bankının içərisində bir kişi barikada quraraq insanları girov götürüb.
Kişinin partlayıcı qurğu daşıdığı güman edilir. Ətrafdakı bütün binalar təxliyə edilib. Təhlükəsizlik qüvvələri, istehkamçılar, polis və FTB hadisə yerindədir.
Təhlükəsizlik rəsmiləri telefon danışıqları vasitəsilə iki girovun azad edilməsini təmin edə biliblər və danışıqlar davam edir.
Polis yolların bağlı olduğunu və bağlı qalacağını bildirərək insanları şəhər mərkəzindən uzaq durmağa çağırır.
