ABŞ yaxın dövrdə İranla mövcud gərginliyin tənzimlənməsi ilə bağlı razılaşmanın əldə olunacağına ümid edir.Metbuat.az xəbər verir ki, bu barədə ABŞ dövlət katibi Marko Rubio Senatın Beynəlxalq Münasibətlər Komitəsində keçirilən dinləmələr zamanı bildirib. Onun sözlərinə görə, ABŞ və İran arasında mümkün sazişin imzalanacağına dair qəti zəmanət vermək mümkün deyil, lakin tərəflər arasında razılaşmanın əldə olunması üçün müəyyən imkanlar mövcuddur.Rubio qeyd edib ki, aparılan danışıqlar yekun nəticənin mütləq razılaşma olacağına təminat vermir: “ABŞ razılaşmanın əldə olunmasına ümid edir və bunun yaxın günlərdə, hətta bu gün, sabah və ya gələn həftə baş tuta biləcəyi ehtimalını görür”.
