Kolumbiya prezidenti Qustavo Petro ölkədə keçirilən prezident seçkilərinin ilkin səs sayma nəticələrini tanımayacağını elan edib.
Musavat.com xəbər verir ki, o, X hesabında seçki komissiyalarının protokolların işlənməsini başa çatdırmasını gözləyəcəyini bildirib:
"Prezident olaraq, Bautista qardaşlarının özəl şirkətinin ilkin sayma nəticələrini tanımıram, çünki səslərin sayılması və yoxlanılması üçün proqram təminatının alqoritmlərinin dəyişməz qalması tələbinə baxmayaraq, son həftə ərzində onlar üç dəfə dəyişdirilib və rəsmi seçki siyahısında olmayan 800.000 şəxsin identifikasiya nömrəsi əlavə edilib".
Petroya görə, bu səs sayımını hüquqi cəhətdən məcburi hesab etmək olmaz: "Buna görə də, qanuna uyğun olaraq, prezident kimi qəbul edəcəyim və tanıyacağım hüquqi cəhətdən məcburi nəticələr hakimlərin rəhbərlik etdiyi sayma komissiyaları tərəfindən elan edilən nəticələrdir".
Qeyd edək ki, dünən Kolumbiyada prezident seçkiləri keçirilib. Milli Mülki Qeydiyyatın veb saytında dərc olunan ilkin səs sayımlarına görə, ABŞ prezidenti Donald Trampın dəstəklədiyi ifrat sağçı siyasətçi və iş adamı Abelardo de la Espriella (43,74 faiz) və hakim solçu Tarixi Pakt partiyasından namizəd İvan Sepeda (40,90 faiz) 21 iyunda keçiriləcək ikinci turda iştirak hüququ əldə ediblər.
Musavat.com
