Proses yer səthindən yuxarı qalxan isti və rütubətli hava kütlələrinin topa-yağış buludlarını formalaşdırması ilə başlayır. Bu buludların daxilindəki hava axınları su damcılarını sıfır dərəcədən çox aşağı temperaturun olduğu yüksəkliklərə qədər qaldırır. Donan damcılar buz dənəciklərinə çevrilərək buludun içində aşağı-yuxarı hərəkət etməyə başlayır.
Hər dövriyyə zamanı buz dənəciyi yeni su təbəqələri ilə örtülür və dondurucu qata hər gəlişində bir az da böyüyür. Bu hərəkət dənəciklərin daxilində laylı strukturun yaranmasına gətirib çıxarır. Buz kütləsi hava axınlarının onu saxlaya bilməyəcəyi qədər ağırlaşdıqda yerə doğru düşməyə başlayır.
Dolunun ölçüsü bulud daxilindəki prosesin müddətindən və küləyin sürətindən asılıdır. Güclü axınlar buz dənəsini buludda daha çox saxladığı üçün dolunun həcmi böyüyür və o, yerə çatana qədər tam ərimir.
İsmayıl
Demokrat.az
