ABŞ İrana qarşı təzyiqləri artırmaq məqsədilə iranlı aviaşirkətlərin fəaliyyətini məhdudlaşdırır.
Publika.az xəbər verir ki, bu barədə ABŞ Maliyyə naziri Skott Bessent "X" sosial şəbəkəsində məlumat verib.
O bildirib ki, iranlı aviaşirkətlərin hava limanlarına çıxışı, təyyarələrin yanacaqla təminatı və bilet satışı sistemlərindən istifadəsi qadağan ediləcək.
Nazir qeyd edib ki, Vaşinqton İrana qarşı iqtisadi məhdudiyyətləri davam etdirəcək və bu proses yalnız Tehran ilə Vaşinqton arasındakı münaqişənin nizamlanması üzrə danışıqların uğuru ilə dayandırıla bilər.
