"Ermənistan nüvə enerjisi sahəsində ən yaxşı təklifi gözləyir".
"Unikal" xəbər verir ki, bunu Ermənistanın Baş naziri Nikol Paşinyan mayın 28-də keçirdiyi brifinqdə bildirib.
ABŞ dövlət katibi Marko Rubionun İrəvana qısa səfəri zamanı imzalanmış sənədlər kontekstində ABŞ ilə münasibətlər barədə sualı cavablandıran Paşinyan bildirib ki, bundan sonra və əbədi olaraq Ermənistanın strategiyası həmişə alternativə sahib olmaq olacaq.
Paşinyan enerji sektorunda münasibətlərin şaxələndiriləcəyini açıqlayıb. Onun sözlərinə görə, Ermənistanın limitsiz günəş enerjisi ehtiyatlarına malik olmaqla enerjidən asılı olma imkanı var. Aİ ilə əməkdaşlıq bərpa olunan enerji sahəsində olacaq.
