Meteororloqlar və ekspertlər xəbərdarlıq edir ki, yayın isti keçməsi suların azalmasına və bu da öz növbəsində təbii qaza olan tələbatın artmasına səbəbə olacaq. Təbii qaza olan tələbatın artması da qiymətin kəskin bahalaşmasına gətirib çıxaracaq.
Ölkə.az xəbər verir ki, mütəxəssislərin fikrincə, anomal istilər, ilk növbədə kondisioner sistemlərinə artan yük səbəbindən enerji istehlakının artmasına səbəb olacaq.
VMT Consult şirkətinin idarəedici partnyoru Yekaterina Kosarevanın sözlərinə görə, su anbarlarında suyun səviyyəsinin azalması və nəticədə su elektrik stansiyalarının istehsalının azalması səbəbindən qazla işləyən elektrik enerjisi istehsalına düşən yük də arta bilər. Ekspert hesab edir ki, münaqişə uzanarsa və Yaxın Şərqdən qaz təchizatı bərpa olunmazsa, anormal istilər qlobal bazarda təbii qaz uğrunda rəqabəti gücləndirəcək. Bu halda, yayın sonuna qədər qiymətlər 30-50% arta bilər.
Aleksandr Frolovun sözlərinə görə, qlobal enerji sektoru hazırda əsasən 2021-2022-ci illərdə qaz qiymətlərinin kəskin artması üçün şərait yaradıldığı "2021-ci ilin yayı" vəziyyətini təkrarlayır.
"AB-də qaz qiymətlərinə baxsanız, onlar təxminən 2021-ci ilin avqust ayının sonu səviyyəsindədir. Biz hələ də enerji böhranının başlanğıcındayıq. Bizi bu nöqtəyə gətirən amillər həll edilməsə, əsas problemlər ilin ikinci yarısında başlayacaq. Və 2026-2027-ci illərin qışına qədər qiymətlərin 1000 kubmetr üçün 1000-2000 dollara qədər yüksələ biləcəyini görə bilərik", - deyə Aleksandr Frolov bildirir.
Mürtəza
