"İlk növbədə Dünya Şəhərsalma Forumunun nə qədər vacib olduğunu qeyd etmək istərdim. Azərbaycanın bu gün beynəlxalq arenada mövqeləri güclənir və bu forum bir daha göstərir ki, Azərbaycan təkcə energetika və nəqliyyat sahəsində etibarlı tərəfdaş deyil. Azərbaycan həmçinin mədəniyyətlərarası, sivilizasiyalararası dialoqun təşkilində çox vacib bir platformadır".
QHT.az bildirir ki, bu sözləri Milli Məclisin deputatı Nigar Məmmədova 2026-cı il mayın 20-də “WUF13 Urban Expo”dakı QHT Agentliyinin pavilyonunda "Sosial-İqtisadi və Kənd Təsərrüfatının İnkişafına Dəstək" İctimai Birliyi tərəfindən "Yaşıl təchizat zəncirində yaşıl logistika" mövzusunda keçirilən tədbirdə çıxışı zamanı söyləyib.
Nigar Məmmədova qeyd edib ki, iqlim və şəhərsalma üzrə inklüziv yanaşmadan danışılır: "Azərbaycan həmçinin iqlim dəyişiklikləri ilə bağlı müzakirələrin aparılmasında çox vacib bir platformadır. Mədəniyyət sahəsində, müxtəlif istiqamətlərdə, eləcə də şəhərsalma sahəsində çox vacib məsələləri gündəmə gətirir. Azərbaycan təşəbbüslər irəli sürür, həmçinin təşəbbüslərin birləşməsi üçün inklüziv bir atmosfer yaradır".
Deputat bildirib ki, keçmişlə gələcəyin əlaqələndirilməsi vurğulanır: "Biz öz keçmişimizlə gələcəyimizi əlaqələndiririk. Burada təkcə Azərbaycan nəzərdə tutulmur. Çünki Azərbaycan bu təşəbbüsləri irəli sürərək həmçinin bir mesaj verir; şəhərləri necə inkişaf etdirmək lazımdır ki, həm ətraf mühit qorunsun, həm də keçmiş, tarixi və mədəni irs qorunub saxlanılsın".
N.Məmmədovanın sözlərinə görə, Azərbaycanın forumdakı təşəbbüsləri və təcrübə paylaşımı önə çəkilir: "Azərbaycan bu forum çərçivəsində həm öz təşəbbüslərini irəli sürür, həm də öz təcrübəsini, əldə etdiyi modeli bölüşür. Bu, ən vacib modellərdən biridir. Münaqişə dövründən sonrakı şəhərsalma modeli Azərbaycan tərəfindən yaradılıb və həmin model bir sıra ölkələr üçün öyrənilə biləcək nümunədir".
O vurğulayıb ki, logistika təkcə malların daşınması deyil, Azərbaycan logistika mərkəzidir: "Azərbaycan nəqliyyat dəhlizlərinin qovuşduğu bir dövlətdir. Enerji dəhlizlərinin kəsişdiyi bir məkandır. Logistika şəhərlərin inkişafında çox vacib rol oynayır".
Məmmədova əlavə edib ki, logistikanın şəhər inkişafında strateji rolu izah olunur: "Logistika demişkən, Qarabağ və Şərqi Zəngəzur da bu gün gələcəyimizin yeni nəqliyyat imkanlarının genişlənməsində mühüm rol oynayan bölgələrdir. Bu, regionun unikal modelidir. Və əlbəttə ki, Azərbaycan bu istiqamətdə zəngin təcrübəsi ilə bölüşür".
Deputat qeyd edib ki, Qarabağ və Şərqi Zəngəzurun nəqliyyat potensialı önə çəkilir: "Əlbəttə ki, burada qısa olaraq digər tərəfə də toxunmaq istərdim. Uzun illər Afrika qitəsi resurslarla zəngin olsa da, logistik dəhlizlərdən müəyyən qədər uzaq qalıb. Lakin bu gün biz görürük ki, urbanizasiya prosesi və şəhərsalma prosesi çox sürətlə gedir".
O diqqətə çatdırıb ki, Afrika və urbanizasiya çağırışlarına toxunulur: "Bunun üçün nə etmək lazımdır? Azərbaycanın təcrübəsindən yararlanmaq və onu bölüşmək olar. Burada yaşıl enerji, enerji səmərəliliyi, bərpa olunan enerji, smart texnologiyalar, ağıllı şəhər və ağıllı kənd kimi konsepsiyalardan istifadə edərək daha uğurlu bir model formalaşdırmaq mümkündür. Beləliklə, daha inklüziv, daha yaşıl və daha perspektivli gələcək təmin oluna bilər".
Onun sözlərinə görə, yaşıl enerji və smart şəhər yanaşmaları ilə model təklif olunur: "Mən əminəm ki, tədbir çərçivəsində çoxlu müzakirələr olacaq. Çünki forum təkcə diskussiyalar üçün deyil, həm də problemlərin həlli istiqamətində atılan addımlardır".
Sonda o bildirib ki, forumun dialoq və həll yönümlü rolu və iştirakçı sayının artmasına təsir edir: Burada minlərlə insan iştirak edir və Dünya Şəhərsalma Forumunda iştirakçıların sayı bu il rekord həddə çatıb. Əgər tarixə baxsaq, 2001-ci ildə bu platforma yaranıb. Bu o deməkdir ki, təcrübəyə ehtiyac var, dialoqa ehtiyac var və bu təcrübələr bölüşülməlidir — təkcə müzakirə etmək yox, həm də problemlərin həlli istiqamətində real addımlar atılmalıdır".
Zəhra Ağayeva
