Bakı, 25 may, AZƏRTAC
Basketbol üzrə Avroliqanın qalibi bəlli olub.
AZƏRTAC xəbər verir ki, Yunanıstanın Afina şəhərində baş tutan finalda yerli “Olimpiakos” ilə İspaniyanın “Real Madrid” komandası üz-üzə gəlib. Qarşılaşma yunanların 92:85 hesablı qələbəsi ilə yekunlaşıb.
Bununla da, “Olimpiakos” tarixində dördüncü dəfə Avroliqanın qalibi olub.
Yunanıstan klubu daha əvvəl 1997, 2012 ve 2013-cü illərdə bu titulun sahibi olmuşdu.
