"İnter Mayami"nin argentinalı hücumçusu Lionel Messi MLS-də "Filadelfiya" ilə ev oyununda zədələnib.
Fanat.Az xəbər verir ki, oyun 6:4 hesabı ilə "İnter Mayami"nin xeyrinə başa çatıb.
Messi bu görüşdə iki məhsuldar ötürmə edib.
73-cü dəqiqədə xəsarət alan və oyunu davam etdirə bilməyərək yerini Mateo Silvettiyə verən Messi sol ayağını çəkə-çəkə birbaşa tunelə istiqamətlənib. "İnter Mayami" hələlik zədə və ya sağalma müddəti barədə açıqlama verməyib.
11 iyun - 19 iyul tarixlərində ABŞ, Kanada və Meksikada keçiriləcək DÇ-də Argentina Avstriya, Əlcəzair və İordaniya ilə eyni qrupda yer alır.
