Laqard: Uzunmüddətli inflyasiya gözləntiləri hədəflə uyğundur.
Banco.az xəbər verir ki, Kristin Laqard Kipr Rum Administrasiyasında keçirilən Avrozonanın maliyyə nazirlərinin iclasından sonra jurnalistlərə açıqlamasında bildirib ki, “enerji böhranı inflyasiyanı artıraraq iqtisadiyyata təzyiq göstərsə də, uzunmüddətli inflyasiya gözləntiləri ümumilikdə dayanıqlı olaraq qalır”.
O əlavə edib ki, “müharibənin orta müddətli inflyasiya və iqtisadi fəaliyyətə təsiri enerji qiymətlərindəki şokun gücü və davametmə müddəti, eləcə də dolayı təsirlərin miqyasından asılı olacaq”.
Demarko: İyun ayında böyük ehtimalla faiz artımına ehtiyac yaranacaq
Avropa Mərkəzi Bankının İdarə Heyətinin üzvü Aleksander Demarko bildirib ki, ECB gələn ay öz öhdəliklərini yerinə yetirməkdə qərarlı olduğunu nümayiş etdirmək məqsədilə faiz dərəcələrini artıra bilər.
Demarko vurğulayıb ki, orta müddətli inflyasiya gözləntiləri hələ də “kifayət qədər möhkəm təmələ söykənir” və hazırkı mərhələdə çoxsaylı əlavə tədbirlərə ehtiyac yoxdur.
Eyni zamanda Malta Mərkəzi Bankının sədri olan Demarko deyib: “İyun ayında böyük ehtimalla faiz artımına getməli olacağıq. Orta müddətli hədəfimizə sadiq olduğumuzu göstərən bir siqnal verməliyik. Bu, etibarlılığımızın qorunması ilə bağlıdır — geridə qaldığımız təəssüratı yaratmamalıyıq”.
Bizi sosial şəbəkələrdən izləyin!!
