ABŞ prezidenti Donald Tramp tərəfindən əvvəllər müzakirə edilən potensial ABŞ-İran sazişi layihəsi hələ də Tehranın yüksək zənginləşdirilmiş uran ehtiyatlarından necə imtina edə biləcəyi ilə bağlı əsas məsələni həll etməyib.
Bu barədə “The New York Times“ qəzeti ABŞ rəsmilərinə istinadən məlumat yayıb.
Qəzetin məlumatına görə, müzakirə olunan sazişin əsas elementlərindən biri İranın yüksək zənginləşdirilmiş uran ehtiyatlarından imtina etmək istəyidir. Lakin qəzet vurğulayır ki, saziş layihəsi bunun necə baş verəcəyi ilə bağlı məsələni həll etmir.
Qəzetin məlumatına görə, detalların İranın nüvə proqramı ilə bağlı növbəti danışıqlar mərhələsində müzakirə ediləcəyi gözlənilir.
"Cebheinfo.az"
