ain.az bildirir, Demokrat.az saytına əsaslanaraq.
Alimlər kraft pendirlərin insan sağlamlığı üçün gözlənilməz faydasını açıqlayıblar.Demokrat.az xəbər verir ki, Böyük Britaniyanın Redinq Universitetinin tədqiqatçıları yerli istehsal olan bir neçə pendir növünün bağırsaq mikroflorasına müsbət təsir göstərdiyini müəyyən ediblər.Araşdırma “ACS Food Science & Technology” jurnalında dərc olunub.Mütəxəssislər Oksfordşirdə istehsal olunan üç müxtəlif pendir növünün mikrobioloji və biokimyəvi tərkibini araşdırıblar. Nəticədə bu pendirlərin probiotik xüsusiyyətə malik bakteriyalarla zəngin olduğu məlum olub.Alimlərin sözlərinə görə, pendirlərdə bağırsaqda faydalı mikroorqanizmlərin artmasına kömək edən bakteriyalar aşkarlanıb. Onlardan biri olan “Streptococcus thermophilus” yoqurt hazırlanmasında da istifadə olunur.Araşdırmada həmçinin “Propionibacterium freudenreichii” adlı bakteriyanın iltihabəleyhinə təsir göstərən propion turşusu istehsal etdiyi bildirilib. Bu maddənin xolesterinin azalmasına və iştahanın tənzimlənməsinə kömək edə biləcəyi qeyd olunub.Mütəxəssislər vurğulayıblar ki, pendirin fermentasiya prosesi zamanı laktoza demək olar tam parçalanır. Bu isə süd şəkərinə həssas olan insanlar üçün belə pendirləri daha rahat həzm olunan edir.Araşdırma zamanı ağ kif təbəqəsi yaradan bəzi bakteriyaların bağırsaqdakı faydalı mikrobları qidalandıran maddələr istehsal etdiyi də müəyyən edilib.İsmayıl
Demokrat.az
Sonrakı hadisələr barədə daha çox məlumat almaq üçün ain.az saytını izləyin.
