Astrologiya və numerologiya üzrə mütəxəssislərin fikrincə, doğum ayı insanın həyat yoluna, uğur əldə etmə sürətinə və zamanla qazandığı nailiyyətlərə təsir göstərə bilər.
HİT.az xəbər verir ki. “Parade” jurnalının yazdığına görə, bəzi insanlar potensiallarını dərhal deyil, illər keçdikcə daha güclü şəkildə ortaya çıxarırlar.
Fevral
Fevralda doğulanlar (Dolça və ya Balıq bürcü) gənclikdə bəzən fərqlilik hissi yaşayır və sosial mühitə tam uyğunlaşmaqda çətinlik çəkirlər. Lakin yaş artdıqca öz fərdiliklərini daha yaxşı qəbul edir və bu xüsusiyyət onların gücünə çevrilir. Zamanla daha çox inam qazanır və həyatları daha sabit və harmonik olur.
İyun
İyun doğumlu insanlar çevik düşüncə və emosional həssaslığa malik olurlar. Gənclikdə başqalarının ehtiyaclarını özlərindən üstün tutduqları üçün daxili qarışıqlıq yaşaya bilirlər. Yaş keçdikcə öz istəklərini daha yaxşı anlayır və daha balanslı qərarlar verməyə başlayırlar. Bu da onlara daxili sabitlik və harmoniya gətirir.
Sentyabr
Sentyabrda doğulanlar analitik düşüncə və detallara diqqətləri ilə seçilirlər. Gənclikdə çox məsuliyyət götürmələri onların enerjisini azalda bilər. Lakin zamanla sərhəd qoymağı öyrənir və öz güclərini daha düzgün idarə edirlər. Bu isə onlara həm özləri, həm də ətrafları üçün daha faydalı olmağa imkan verir.
Noyabr
Noyabr doğumlular həyatın dərin mənalarını anlamağa meyllidirlər. Gənclikdə həddindən artıq düşünmə və daxili qarışıqlıq yaşaya bilərlər. Lakin yaş artdıqca daha sakit və aydın düşünməyə başlayırlar. Onlar enerjilərini daha vacib məsələlərə yönəldir və daxili rahatlıq qazanırlar.
Mütəxəssislər qeyd edirlər ki, bu yanaşmalar elmi proqnoz deyil və daha çox motivasiya və şəxsi refleksiya üçün istifadə olunur.
Samir
