Fethiye bələdiyyə sədri Alim Karaca silahlı hücum nəticəsində yaralanıb.
Musavat.com xəbər verir ki, ayağından yaralanan Alim Karaca xəstəxanaya çatdırılıb.
Məlumata görə, hadisədən sonra xəstəxanaya gələn Fethiye rayon rəhbəri Fatih Akkaya bələdiyyə sədrinin vəziyyəti ilə bağlı açıqlama verib.
Akkaya bildirib ki, Alim Karacanın sağlamlıq vəziyyəti yaxşıdır və narahatlığa əsas yoxdur.
Bələdiyyə sədrimizin vəziyyəti son dərəcə yaxşıdır. Həkimlərimiz peşəkardır, müdaxilədən sonra sağlamlığına qovuşacaq. Bizim əsas vəzifəmiz hadisəni törədən şəxsin ən qısa zamanda tutulmasıdır. Rayonumuzda belə hadisələrin təkrarlanmaması üçün bütün tədbirləri görəcəyik, - deyə o qeyd edib.
Musavat.com
