Boks üzrə dünya çempionu Aleksandr Usikin həyat yoldaşı Yekaterina ərinin Riko Verhovenlə döyüşünü izləmək üçün Misirə səfər edib.
Publika.az xəbər verir ki, o, özü ilə ukraynalı boksçunun xüsusi talismanını – məşhur eşşək “Eeyore”nu da aparıb.
Bu oyuncaq Usıkın qızı Yelizavetaya məxsusdur. O, onu atasına Entoni Coşua ilə revanş döyüşündən əvvəl hədiyyə etmişdi, bundan sonra eşşək çempionun ən vacib döyüşlərində onun daimi yoldaşı oldu. Oyuncaq Parisdəki “Disneyland”a ailə səfəri zamanı alınıb, lakin Rusiya ilə müharibənin başlamasından sonra əsl talisman halına gəlib.
O vaxtdan bəri oyuncaq Usikin bütün döyüşlərində yanında olub.
