ain.az bildirir, Ayna portalına istinadən.
Mexaniki qolun bir hissəsi buraxılışdan əvvəl dizayn edildiyi kimi gövdəyə geri çəkilə bilməyib
“SpaceX” yeni “Starship” raket prototipinin sınaq buraxılışını uçuşdan 40 saniyə əvvəl ləğv edib. Buraxılış 22 may gecəsi Texasdakı Starbase buraxılış məntəqəsindən planlaşdırılırdı, lakin geri sayım 40 saniyədə dayandırılıb.
AYNA.AZ xarici mediaya istinadən bildirir ki, buraxılış hazırlıqları zamanı mühəndislər yanacaq temperaturu və təzyiq göstəricilərinin qeyri-adi olması səbəbindən proseduru bir neçə dəfə dayandırıblar. Buraxılış daha sonra rəsmi olaraq tamamilə ləğv edilib.
“SpaceX”in qurucusu İlon Mask sosial media platforması “X”də səbəbin buraxılış qülləsindəki hidravlik sancaqlardan birində nasazlıq olduğunu yazıb. Onun sözlərinə görə, mexaniki qolun bir hissəsi buraxılışdan əvvəl dizayn edildiyi kimi gövdəyə geri çəkilə bilməyib.
Mask qeyd edib ki, problem tez bir zamanda həll olunarsa, 23 may axşamı təkrar buraxılış cəhdi baş tuta bilər.
“Starship” raketi “SpaceX”in əsas layihəsi hesab olunur. Şirkət ondan Marsa missiyalar, “Starlink” peyklərinin genişmiqyaslı buraxılışları və gələcək uzunmənzilli kosmik missiyalar üçün istifadə etməyi planlaşdırır.
Təkrar istifadə edilə bilən “Starship” sisteminin hazırlanmasına artıq 15 milyard dollardan çox vəsait xərcləndiyi təxmin edilir. Mask deyib ki, “hazırkı gecikmə gələcək sınaqların cədvəlinə əhəmiyyətli dərəcədə təsir göstərməməli və proqramı maksimum bir ay gecikdirə bilər”.
Ən son xəbərləri və yenilikləri almaq üçün ain.az saytını izləyin.
