ABŞ dövlət katibi Marko Rubio İsveçi NATO daxilində nümunəvi müttəfiq adlandırıb.
APA xəbər verir ki, Rubio bu barədə NATO xarici işlər nazirlərinin Helsinqborqda keçirilən görüşü zamanı jurnalistlərə danışıb.
Onun sözlərinə görə, Vaşinqton İsveçlə uzun illərdir NATO çərçivəsindən kənarda da sıx əməkdaşlıq edir.
“Bu, NATO kontekstində nümunəvi müttəfiqdir və biz gələcək illərdə Stokholmla əməkdaşlığı daha da genişləndirməyi planlaşdırırıq”, – deyə Rubio vurğulayıb.
