“Atletiko Madrid”in səhmdarı olan Amerika investisiya fondu “Apollo”, La Liqanın maliyyə qaydalarına görə heyətin gücləndirilməsinə nəzarətsiz şəkildə investisiya qoya bilməyəcək.
Publika.az xəbər verir ki, bu barədə “Marca” məlumat yayıb.
Mövcud qaydalar əmək haqqı limitinin artırılması və transferlər üçün birbaşa istifadə edilə bilən vəsaitin miqdarını məhdudlaşdırır. Böyük kapital qoyuluşu olsa belə, klub bu vəsaitləri iki mövsüm ərzində bölüşdürməli və yalnız müəyyən bir hissəsinin heyətin inkişafı üçün istifadəsinə icazə verilməlidir.
“Atletiko” La Liqanın maliyyə nəzarət sisteminin “B” qrupunda təsnif edilir. Bu o deməkdir ki, onlar sahiblərinin töhfələrinin 90%-ə qədərini transferlər və əmək haqqı üçün istifadə edə bilərlər, lakin məbləğ klubun illik dövriyyəsinin 25%-dən çox olmamalıdır.
