“Azər Türk Bank” Açıq Səhmdar Cəmiyyətinin səhmdarlarının növbəti ümumi yığıncağının keçirilməsinə dair qərar qəbul edilib.
Banker.az xəbər verir ki, iclas 22 iyun 2026-cı il tarixində saat 12:00-da bankın Bakı şəhəri, Nəsimi rayonu, C. Məmmədquluzadə küçəsi 85; 192/193 ünvanında yerləşən inzibati binasında baş tutacaq.
Ümumi yığıncağın gündəliyinə bankın kənar auditor tərəfindən yoxlanılmış 2025-ci ilin maliyyə hesabatlarının və 2025-ci ilin idarəetmə hesabatının təsdiq edilməsi məsələsi daxil edilib.
Bankın Nizamnaməsinin 7.6-cı bəndinə əsasən, səhmdarlar gündəlikdəki məsələyə dair səsvermədə qiyabi şəkildə də iştirak edə bilərlər. Bunun üçün bülleteni çap edib müvafiq qaydada dolduraraq (lehinə, əleyhinə və ya bitərəf mövqeyini şərtiz bildirərək) və imzanı qanunvericiliyə uyğun olaraq (notarial və s.) təsdiq etdirərək qapalı zərfdə 22.06.2026-cı il tarixinədək bankın baş ofisinə göndərmək lazımdır. Təqdim edilmiş zərflərin açılması və elektron səslərin sayılması iclas günü həyata keçiriləcək.
