Xüsusilə iştirakçıların diqqət mərkəzində aşağıdakı mövzular yer alır:
-
əlilliyi olan şəxslərin hüquqları, şəhərlərdə inklüzivlik və əlçatan mühit;
-
Şərqi Avropa və Mərkəzi Asiya regionlarında urbanizasiya, dayanıqlı inkişaf və regional əməkdaşlıq məsələləri;
-
mədəni irsin qorunması;
-
qadınların şəhərsalma, qərarqəbuletmə və sosial inkişaf proseslərində rolu;
-
uşaqların və gənclərin şəhər həyatında fəal iştirakı.
Günün sonunda Ümumdünya Şəhərsalma Forumunun 13-cü sessiyasının rəsmi bağlanış mərasimi keçiriləcək və növbəti forum- WUF14-ə ev sahibliyi edəcək ölkənin rəsmi nümayəndəsinə simvolik estafet təhvil veriləcək. Tədbirin yekun akkordu isə WUF13 bayrağının endirilməsi mərasimi olacaq.
Xatırladaq ki, mayın 17-də Azərbaycanın paytaxtında start götürən Ümumdünya Şəhərsalma Forumunun 13-cü sessiyasında iştirak üçün dünyanın 182 ölkəsindən 40 mindən çox nümayəndə qeydiyyatdan keçib.
