Ukraynanın bu gecə Sızran şəhərinə dron hücumu nəticəsində iki nəfər ölüb, bir neçə nəfər yaralanıb.
Samara vilayətinin qubernatoru Vyaçeslav Fedorişçevin Telegram kanalında yazdığına görə hücumdan sonra yanğın başlayıb.
Rusiyanın "Astra" nəşri və Ukraynanın monitorinq kanalı "Exilenova+"a görə, hücumun hədəfi "Rosneft"in Sızran neft emalı zavodu olub. Hücumdan sonra orada böyük yanğın baş verib. Şahidlər neft emalı zavodunun üzərində qalın qara tüstü sütununun qalxdığını qeydə alıblar.
