ain.az, Demokrat.az portalından verilən məlumatlara əsaslanaraq xəbər verir.
Məşhur "Uzak Şehir" serialı heyəcanla gözlənilən mövsüm finalının çəkiliş mərhələsinə gəlib çatıb. Ssenarisindəki münaqişələrlə diqqət çəkən layihənin komandası fərqli şəhərdəki hazırlıqları tamamlayaraq tezliklə işləri yekunlaşdıracaq. Kulislərdən sızan ilk məlumatlara görə, mövsümün son seriyasında hekayənin gedişatını tamamilə dəyişdirəcək hadisələr baş verəcək.Demokrat.az xəbər verir ki, bu barədə tanınmış jurnalist Birsen Altuntaş məlumat yayıb. Reytinqlərdə üst sıralarda yer alan serial ikinci mövsümü tamamlamaq üzrədir. Gülizar İrmakın qələmə aldığı ssenarinin son səhnələri hazırda gərgin tempdə lentə alınır. Yaradıcı heyət və aktyorlar həftə sonu İstanbula qayıdacaq. Bazar günü buradakı xüsusi platoda təyyarə səhnələrinin çəkilməsi ilə mövsüm finalının işləri rəsmən yekunlaşacaq.Ekran işinin 63-cü seriya ilə mövsümə nöqtə qoyacağı dəqiqləşsə də, bayram həftəsində yeni seriyanın yayımlanıb-yayımlanmayacağı hələ bəlli deyil.Cihan və Alya obrazlarının toyuna səhnə olacaq finalda sarsıdıcı hadisələr gözlənilir. Ozan Akbabanın canlandırdığı Cihan ilə Sinem Ünsalın oynadığı Alyanın bu xoş günü hesablaşmaya çevriləcək. Yaşanacaq qarışıqlıqda Gonca Cilasunun canlandırdığı Sadakat obrazı da əlini qana bulayaraq gedişatı dəyişəcək. Bu gərgin anlardan sonra Burç Kümbetlioğlunun canlandırdığı Boran, Alper Çankayanın həyat verdiyi Şahin və Ahmet Varlının oynadığı Feyyaz obrazları dramatik şəkildə layihəyə vida edəcəklər.Ahmet Katıksız, Yıldız Aşanboğa və Emre Aybekin rejissorluq etdiyi serialda digər aktyorların taleyi də maraq doğurub. Ağır sınaqlardan keçən Meryem obrazına həyat verən Ceren Moray, Demir rolundakı Ferit Kaya və İpek obrazını oynayan Çağla Şimşəyin yeni mövsümdə qalıb-qalmayacağı hələ dəqiqləşməyib. Prodüser şirkətinin mövsüm finalından dərhal sonra üçüncü mövsümün planlaşdırma iclasını keçirəcəyi bildirilir.İsmayıl
Demokrat.az
Ən son xəbərləri və yenilikləri almaq üçün ain.az saytını izləyin.
