Vaşinqton Belarusun kalium gübrələrinin ixracına qoyulan məhdudiyyətlərin aradan qaldırılmasını istəyir...
ABŞ administrasiyası Ukraynaya Belarusdan kalium gübrələrinin idxalına tətbiq edilən məhdudiyyətlərin yumşaldılması istiqamətində təzyiq göstərir.
Poliqon xəbər verir ki, bu barədə Bloomberg Agentliyi məlumat yayıb.
Mənbələrin bildirdiyinə görə, Vaşinqton Ukraynanın Belarus kalium gübrələrinin ixracına qoyulan məhdudiyyətlərin aradan qaldırılması prosesində iştirak etməsini istəyir. ABŞ hesab edir ki, bu addım Belarusun Rusiyadan iqtisadi asılılığının azaldılmasına və Minsk ilə münasibətlərin yaxşılaşmasına kömək edə bilər.
Məlumatda qeyd olunur ki, söhbət əsasən Belarus kalium gübrələrinin Baltikyanı ölkələr, xüsusilə də Litva üzərindən tranzitinin bərpasından gedir. ABŞ tərəfi bu marşrutun yenidən aktivləşdirilməsinin həm regional iqtisadi əlaqələrə, həm də Qərblə Belarus arasında dialoqun genişlənməsinə təsir göstərə biləcəyini düşünür.
Ekspertlərin fikrincə, Vaşinqtonun bu təşəbbüsü geosiyasi və iqtisadi məqsədlərlə əlaqələndirilir. ABŞ Belarusun tam şəkildə Rusiyanın iqtisadi orbitinə daxil olmasının qarşısını almağa çalışır və bəzi sahələrdə əməkdaşlığın bərpasını mümkün alət kimi qiymətləndirir.
Hazırda Ukrayna və Baltikyanı ölkələr tərəfindən Belarus məhsullarına tətbiq edilən məhdudiyyətlər regionda sanksiya siyasətinin əsas elementlərindən biri hesab olunur.
Poliqon.info
