Cebheinfo portalından verilən məlumata əsasən, ain.az bildirir.
Fransa əlçatan mənzillərin maliyyələşdirilməsi həcminin artırılmasının tərəfdarıdır.
"Report" xəbər verir ki, bu barədə Fransanın davamlı şəhərlər üzrə nazir nümayəndəsi İv-Loran Sapoval Bakıda Ümumdünya Şəhərsalma Forumunun 13-cü sessiyası (WUF13) çərçivəsində "Qlobal Mənzil Maliyyələşdirməsindən Yerli Əlverişli Mənzil Fəaliyyətinə: Qlobal İnkişafdan və Submilli Maliyyədən İstifadə" adlı panel müzakirəsində bildirib.
"Mənzil tikintisinə ayrılan rəsmi inkişaf yardımının payını əhəmiyyətli dərəcədə artırmaq lazımdır. Hazırda bu ehtiyacların payına rəsmi inkişaf yardımının 1 %-dən azı düşür, bu da tamamilə kifayət deyil.
"Biz mənzil sektoruna ayrılan rəsmi inkişaf yardımının həcmini artırmalıyıq", - o bildirib və bununla yanaşı qeyd edib ki, maliyyə institutlarına və hökumətlərə razılaşdırılmış təsir göstərilmədən yaranmış vəziyyəti dəyişdirmək mümkün olmayacaq.
"Cebheinfo.az"
Problemlərinizi bizə yazın, şahidi olduğunuz hadisələri çəkib göndərin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
