Ayna saytından alınan məlumata görə, ain.az bildirir.
İddianı “The New York Times” və nəşrin milli təhlükəsizlik müxbiri Culian E.Barnes qaldırıb
“The New York Times” (NYT) və nəşrin milli təhlükəsizlik müxbiri Culian E.Barnes Pentaqona qarşı yeni məhkəmə iddiası qaldırıb. AYNA.AZ xarici mediaya istinadən bildirir ki, onlar nazirliyi yeni qaydalara görə hərbi rəsmilərə və Müdafiə Nazirliyinin qərargahına mətbuat çıxışını məhdudlaşdırmaqda ittiham edirlər.
İddia Müdafiə Nazirliyinin özünə, o cümlədən nazir Pit Heqsetə, onun müşaviri Timoti Parlatora və Pentaqonun sözçüsü Şon Parnelə qarşı qaldırılıb.
İddiada bildirilib ki, jurnalistlərin Pentaqona nazirlik əməkdaşlarının müşayiəti ilə daxil olmasını tələb edən yeni qaydalar ABŞ Konstitusiyasının birinci və beşinci düzəlişlərini pozur və NYT-yə qarşı qisas tədbiri təşkil edir.
Bu, qəzetin Müdafiə Nazirliyinə qarşı ikinci iddiasıdır. 2025-ci ilin dekabrında “The New York Times” Pentaqonu və onun rəhbəri Pit Heqseti söz azadlığı hüququnu məhdudlaşdırmaqda ittiham etmişdi. Səbəb jurnalistlərin Pentaqonun əvvəlcədən təsdiqi olmadan məlumatın yayılmasını məhdudlaşdıran xüsusi sənəd imzalamasını tələb edən qayda idi. Həmin mübahisədə məhkəmə "təhlükəsizlik maraqları naminə" iddia edərək Müdafiə Nazirliyinin tərəfini tutdu.
Ən son xəbərləri və yenilikləri almaq üçün ain.az saytını izləyin.
