ain.az bildirir, Ayna portalına istinadən.
Prezident Qızıl Orda tarixinin yenidən nəzərdən keçirilməsinin vacibliyini qeyd edib
Qazaxıstan Prezidenti Kasım-Comart Tokayev ölkəsini Qızıl Ordanın varisi elan edib və onun siyasi və iqtisadi modelini öyrənməyə çağırıb. AYNA.AZ “Tengrinews”a istinadən xəbər verir ki, Prezident bu barədə "Qızıl Orda Çöl Sivilizasiyasının Modeli Kimi" forumunun açılışında bildirib.
Tokayevin sözlərinə görə, Qazaxıstan Konstitusiyasının yeni versiyası Böyük Çölün varisliyini və onun tarixi irsini təsbit edir. Prezident qeyd edib ki, özünün zirvəsində cuçi sülaləsinin ərazisi 6 milyon kvadrat kilometri keçib, Qızıl Orda təxminən 100 şəhərdən ibarət olub və cuçi sülaləsinin hakimiyyəti altı əsrdən çox davam edib.
O həmçinin Qızıl Ordanın pul sisteminə də diqqət çəkib: “Mütəxəssislərin fikrincə, təxminən 28 milyon gümüş sikkə zərb edilib. Qazaxıstanın milli valyutası olan tengenin adının Qızıl Ordada "dang" sözündən götürülməsi simvolikdir və bu söz ehtimal ki, "pul" sözünün mənşəyidir. Bu, Qızıl Ordanın regionda pul münasibətləri üçün standartları necə müəyyən etdiyini göstərir”.
Qeyd edək ki, Qazaxıstan Milli Bankı bu yaxınlarda Qızıl Ordaya həsr olunmuş min gümüş sikkə buraxıb.
Prezident Qızıl Orda tarixinin yenidən nəzərdən keçirilməsinin vacibliyini qeyd edib və tarixi irsin nifaq alətinə çevrilməməsinə çağırıb.
Xatırladaq ki, XIII-XV əsrlər arasında Orda Rusiya torpaqlarının əhəmiyyətli bir hissəsi üzərində nəzarəti bərqərar etdi: Rusiya knyazlıqları vassal idi, xərac ödəyir və xanlar hökmranlıq etmək üçün icazə alırdılar. Bu dövr tez-tez "Orda boyunduruğu" adlanır. Orda knyazlıqların siyasi sistemlərinə təsir göstərib və onların daxili münaqişələrinə müdaxilə edib. XV əsrin sonlarında bu asılılıq zəifləyib və 1480-ci ildən sonra, Moskva xərac ödəməyi dayandırdıqdan və Orda Rusiya torpaqlarına nəzarəti itirdikdən sonra faktiki olaraq süqut edib.
Sonrakı hadisələr barədə daha çox məlumat almaq üçün ain.az saytını izləyin.
