Gənc bir qadın məzuniyyət fotosu üçün nəhəng bir timsahla ölümcül bir öpüş paylaşdı. Təhlükəli pozalar sosial mediada böyük ajiotaj yaratdı.
Medicina.az xəbər verir ki, universiteti bitirən gənc bir qadın diplomu üçün inanılmaz bir üsula əl atdı. Gənc qadının gün işığında məzuniyyət fotosu çəkmək kimi riskli hərəkəti sosial mediada izləyiciləri nəfəssiz qoydu.
Təbiət elmləri üzrə təhsilini başa vuran cəsur məzun məzuniyyət şənliyində heç kimin cəhd etməyə cəsarət etməyəcəyi bir səviyyəyə qaldırdı. Gənc qadın diz dərinliyindəki suya girdi və 4,2 metr uzunluğunda nəhəng bir timsahın yanında dayandı.
Bununla kifayətlənməyən "dəli" məzun "Böyük Al" adlı bu nəhəng yırtıcının burnuna öpüş qondurdu. Tünd göy rəngli məzuniyyət paltarında suyun ortasında poza verən qadın papağını timsahın burnuna qoydu
Gözünü qırpmadan həyatını təhlükəyə atan gənc qadın, timsahların insanların düşündüyü qədər vəhşi olmadığını iddia edərək, "İnsanlar bu vəhşi heyvanlara müdaxilə etməyəndə, bizə də müdaxilə etmirlər" deyə bildirdi. Texasdakı timsah parkında nişanlısı ilə işləyən və vəhşi heyvanların əhatəsində böyüyən məzun, bu təhlükəli varlıqların xarakterini çox yaxşı bildiyini iddia etdi.
Məzun yalnız məzun albomu üçün timsahla poza vermədi. O, həmçinin əlində ölümcül zəhərli ilan tutdu və sanki heç bir problem yoxmuş kimi poza verdi. Fotoqraf Oglesbee, "İlanın zəhərindən qorxduğum üçün çəkiliş zamanı mənə çox yaxınlaşmağa icazə vermədilər.
Amma o, ilanı adi bir oyuncaq kimi tutdu" deyə, fotosessiyadakı həyati təhlükəni vurğuladı.
Aygün
Medicina.az
