İranın rəsmi xəbər agentliyi IRNA-nın məlumatına görə, İran Prezidenti Məsud Pezeşkian ölkəsinin heç bir qüvvəyə boyun əyməyəcəyini bildirib.
O, İranın düşmənlərinin ölkəni raketlər, bombalar və təyyarələrlə "tabe edə" bilməyəcəyini vurğulayıb.
"Biz təslim olmayacağıq", - deyə Pezeşkian bildirib, lakin əlavə edib ki, İran ləyaqətlə danışıqlar aparır.
"Bizim haqqımız var, məntiqimiz var, dəlillərimiz var, ölkəmizin hüquqlarını qətiyyətlə müdafiə edə bilərik və xalqımızın dəstəyi ilə onların hüquqlarını müdafiə edəcəyik", - Pezeşkian vurğulayıb.
Rizvan CƏFƏROV,
“Azərbaycan”
